Vrydag 12 Oktober 2012

Plannemaker

Dankie Here vir die nuwe dag, dankie vir die sonskyn, die plante, dankie vir vriende en familie en dankie Heer dat u altyd by ons is, maak nie saak wat nie! Amen

Die dag het soos enige dag begin, vroeg was hul alweer hier om iets te vra... "net koffie om tog die hart warm te maak." Ek het nie 'n koffieshop nie!

Gister het ek daaraan gedink, wat wil die Here he ek moet doen? Ek wil nie ongeskik wees met hulle nie, ek wil nie raas en soos 'n visverkoper op die hawe op hul skree nie! Wat vra ek jou ...wil God he ek moet vir die mense se wat aanhou en aanhou bedel! Ek se dit vir Cecile en haar antwoord was onomwonde: " Die Here ken mos noual hierdie mense." ons lag en daar bly dit.

'n Ruk later hier kom my getroue eerbare Planneman aangestap, gesels lekker met my en wil toe ook net weer leen. Ek vertel hom toe van die Here en dat as ons kinders van Hom is staan Hy reg langs ons! Sy oe rek so 'n bietjie maar ek gaan aan ek steek daar vir hom 'n preek af wat ek self oor verbaas is. Nou het ek besluit dit is wat ek gaan doen vir elkeen van hulle so preek en op die manier sommer my werk as christen doen. Ek sluit my preek teenoor die Planneman af met ek sal vir jou bid dat jy 'n vaste werk kry, Hy het my stom aangekyk, ek kon die skrik in sy oe sien. Net daar moes ek hoor hy is eintlik 'n man van vele ambagte en hy het eintlik sy eie besigheid. ( Seker maar net die stakings en ekonomie wat hom dan so druk.)

My mond val nou behoorlik oop van verbasing oor die versie in Spreuke 31:6
GEE DRANK AAN DIE WAT BESIG IS OM ONDER TE GAAN, LAAT DIE WAT SWAAR LY, DRINK; AS MENS DRINK, VERGEET HY VAN SY ARMOEDE EN DINK HY NIE MEER AAN SY MOEILIKHEID NIE.



Like · · · 12 minutes ago

Vrydag 13 Julie 2012

Lente in God se Lig

LENTE IN GOD SE LIG

Lente In God se Lig

Praat van Affodille! Iemand het eenkeer gese dat op Hendrina is die ryp nog nie verby nie want hy(ek dink ryp is manlik) moet nog eers die Affodille kom doodryp. 'n Affodil is vir my 'n natuurwonder, so mooi en vrolik! Ek is so spyt dat ek nie vir my hierdie jaar Affodille geplant het nie. Die dag toe my skoonmna vir my die versie in Jesaja gee om my eie te maak waar daar staan daar is Affodille langs die pad was ek so verbaas en nou na al die jare kan ek nie meer onthou waar dit staan nie! (Nie verbaas omdat my skoonma die vers vir my gegee het nie, ek het twee skoonma"s en hulle is altwee wonderlik, maar verbaas dat daar in die Bybel na Affodille verwys word)

Op Stellenbosch het daar na die winter plate Affodille oopgegaan in die 
botaniese tuin want 'n Affodil blom in September net na die ergste koue...dit is hoekom hul altyd onkant gevang is op Hendrina. En...dan wanneer die winter sy sluier lig oor die Boland en ek kon na die Bloureen en die Affodille kyk in die Botaniese tuin het die hartseer en verlange Karoo toe ook gelig en kon ek aangaan.

Daar ryp dit gelukkig nie en die Affodille kon lustig blom, kan jy glo so 'n perfekte koppie en piering blom, dit is net 'n god wat dit kan maak.Ons koshuis, Monica,op Stellenbosch was reg langs die botaniese tuin en as ons wou kortpad loop het ons daar deur geloop, die mooiste waterlelies wat op die leliedam gepryk het! Op 'n dag na klas het ek weer kortpad gekies en daar in die flou sonnetjie reg in die paadjie le 'n mammakat met 'n bondeltjie kleintjies ek sal daardie prentjie nooit vergeet nie.

Die Bloureen was gevleg en gerank oor 'n houtraam en het in malse heerlikheid trosse pers blomme laat hang, ek het baie keer onder dit gaan staan en gedroom oor my troudag!

Net soos 'n Affodil vir ons die lente aankondig net so moet ons Jesus verkondig aan die wereld, die geel malse kleureprag waarmee die Affodille die winter grouheid verjaag is hoe God wil he ons moet Hom aan die grou wereld wys...met malse Jesus liefde moet ons die koue nat winter verdryf en Hom verkondig deur vriendelik, liefdevol en sommer Hy te wees vir mense wat nog in die donker winter staan. Lekker dag verder en as ek nou geweet het waar in Jesaja van die Affodille gepraat word was dit my skrifverwysing. Toemaar hier kom net so 'n mooie. Ps 4 maar probeer dit in Engelse vertaling lees. Veral vers 1 You have freed me when I was hemmed in...

Vrydag 25 Mei 2012

My Oogappel

Ek het gisteraand my Bybel net oopgeslaan en begin lees, en ek moet erken ek het hierdie al vantevore gelees, daar is eintlik onderstreep ook maar nadat my Bybel vanoggend weer op dieselfde plek oopval sonder dat ek 'n boekmerk daarin het, het ek besluit dit is die boodskap wat die Here wil he ek moet met julle deel. Want, ek het in my tuin gaan loop en bid en ek kan vir julle met eerlikheid se, hierdie is wat die Here wil he ek moet skryf nadat ek gister so gal afgegaan het.

"Ek sal 'n muur van vuur rondom die stad wees, my magtige teenwoordigheid sal binne-in hom wees.' En dan verder aan 'Wie aan julle vat, vat aan my oogappel."
En nog: " Juig Sion, wees bly! Ek kom, Ek gaan binne-in jou woon, se die Here."
Hierdie staan in Sagaria 2 en ek moet erkern dat ek nie dikwels is Sagaria lees nie., maar glo dat dit direk van God kom!

Ons wat kinders van God genoem word ...is Sy oogappel. om 'n kind van God te word moet jy voor Jesus se kruis gaan kniel, of le sodat Hy jou kan aanneem, jou sondelas kan verwyder en sodat jy kontak met Hom kan maak. met 'n sondelas in jou kan jy nie God bereik nie! Bid aanhoudend en met volle oorgawe om die Heilige Gees te ontvang. Sodra jy die Heilige Gees ontvang sal Jesus in jou woon en die vuur binne jou sal so sterk brand dat jy nie kan stilbly nie. Jy sal jou van die wereld se dinge wil losmaak en saam met Jesus wandel. Sag 2 :11-13 se vir jou wat sal gebeur en hoe om dit te ontvang. Glo dan dat jy dit ontvang het!

Wat so kosbaar is aan die stuk in Sagaria is dat dit baie jare geskryf is voor die uitstorting van die Heilige Gees in Handelinge 2. Gaan lees dit nadat jy Sagaria 2 gelees het en terwyl God dan met jou praat roep na Hom. Wees oop om die Heilige Gees te ontvang. 
Hoe wonderlik sal dit nie wees om te weet Jesus het 'n muur van vuur rondom ons gebou nie, 'n muur waardeur niks sal kan kom ons weg te raap uit Sy hand nie. So sou ek ook graag 'n muur rondom my kinders wou he, sodat hulle veilig moet wees en ook rondom my familie en vriende...besef julle dat as elkeen van ons die Heilige Gees ontvang brand daardie vuur binne ons.
Ja, ek weet dat Hy bedoel het dit is die Nuwe Jerusalem en die uiteindelike woonplek van Sy kudde maar Hy sorg dat daar so 'n beskerming rondom ons is, wanneer ons aan Hom behoort. Niks kan ons uit Sy hand ruk nie.

Sondag 06 Mei 2012

SLIPWAYS EN HIGHWAYS


Die Here het 'n man gemaak om wonderlike dinge te kan doen. Hulle kan brue bou, paaie maak, slipways en highways, hulle bou parke, kanale, verskuif soveel grond in soveel uur dat ek nie kan dink hoe kry hul dit reg nie. As die Here nooit 'n man so gemaak het nie, het ons nie monumente, paaie, spoorlyne en majestieuse geboue gehad nie! Ek bewonder mans en weet hulle is my een voor.

Ek is egter seker dat die Here geweet het toe Hy my geskape het, ek sal nie naby kom nie. Ek kan skaars 'n skoef indraai(gewoonlik skeef) ek kan nie prente ophang teen mure nie (daarom staan hul in kaste weggesteek). Ek kan nie slotte oopsluit as hul net effens weier nie, ek kan feitlik niks wat meganies is behartig nie! So hoe ek alleen sal regkom weet ek nie!

Wat ek wel kan doen is om goed weg te bere, so het ek noual goed gebere om my gedaan daarna te soek op ou end! Ek het gister hier ingevaar en goed uitgesorteer en in kartonne gepak om dit weg te maak, te verkoop of weg te gee. Dit kan ek darem doen:) het ek gedink!

Ewe vrolik wys ek vir my man en die kind wat hier bly my mooi boek wat my dogter gemaak het,  vol foto's van die familie.  Ewe opgewonde kuier ons, ek storm die gang af om by rekenaar uit te kom om nog foto's te soek. Soos 'n geweerskoot val ek oor een van die kartonne! Baie, baie hard. My bene op 3 plekke oop, ek bloei asof ek daarmee wil se:"Sien julle nou!" My gesig is blou, ek het klomp steke gekry!

Met die aankom by my huisdokter se hy grappende wys::" Vir wat het jy nie in Australie gebly nie...!" dit was naure en hy was moeg. Op sy eie dierbare manier werk hy die gate toe!

Nou vra ek myself waarvoor is ek goed!?  Hierdie vraag was vroeer vir my 'n meulsteen om my nek maar ek het daarmee vrede gemaak, ek het drie pragtige kinders met mooi maniere groot gekry(was ook 'n gesukkel;) en ek kan voor 'n rekenaar sit en met julle gesels. So het die Liewe Vader geweet om vir my te laat aanhou lewe totdat ek die voorreg het om 'n rekenaar te kry.

Ons vrouens is gemaak om mense te voed, te klee en te versorg. Ons kan klein dingetjies maklik doen(behalwe 'n fles oopskroef)
 So ek wou net se:"My bene is albei toegedraai in verbande maar my hart juig oor my God!"

NUWE KLERE

HIERDIE WOORD HET EK GISTERAAND GEKRY: Dit was 'n sms wat uit die bloute aan my gestuur is en ek het dit dadelik gaan opsoek en gelees.

Judas 1: 20 -25 " Julle geliefdes (en dit is vir ons bedoel), moet egter voortgaan om julle lewe te bou op julle allerheiligste geloof. Bid altyd deur die krag van die Heilige Gees. :21 Bly in die liefde van God. Vestig steeds julle verwagting op die barmhartigheid van ons Here Jesus Christus wat die ewige lewe aan julle sal gee."

In Judas 1:22 lees ek van die vuil besmette klere en hoe God dit verafsku...ek blaai toe na Sag 3 en lees hierdie ongelooflike boodskap! Ek kry in die AMP. BIBLE die verw van SAG 3.

In Sag 3:3 staan daar!: "Trek uit die liederlike vuil klere van hom!" Dan staan daar(Reguit sonder verdoesel) "Ek het jou jou oortredings vergewe en Ek gaan vir jou skoon klere aantrek."

My hart juig tot God toe ek hierdie woorde lees! Is dit nie net ongelooflik nie, onthou om jouself in die Woord in te lees...met ander woorde bring dit op jou eie lewe van toepassing...

Met die laaste oordeel gaan God in die regterstoel sit en Hy gaan besluit wie nogsteeds gered gaan word en wie nie. Hyself sal opdrag gee dat ons vuil besmette klere verruil word vir skoon nuwe klere. En...ek kan jou verseker as ons bereid is om ons sonde te belei en glo in die Almagtige God sal Hy vir ons nuwe klere gee!

Open.6:11 Aan elkeen van hulle is daar lang wit klere gegee, en daar is vir hulle gese om nog 'n rukkie te wag..."

Sondag 25 Maart 2012

Vrywillig

Hierdie wil ek graag vir julle vertel... ons het weer Saterdag in daardie groot park, Fagan park, gaan stap, 'n bietjie verder as laas en op ou end deur 'n stukkie bos geloop waar die bome so hoog is ek wil omval as ek opkyk om te sien waar is hul toppe. Die stukkie pad deur die bos is ook nie geteer soos al die ander nie. Die bome se bas het al 'n digte mat onder hul gevorm en varings floreer in die medium!

Met die terugkom was ons die ongenooide gaste van 'n Chinese troue wat daar in die park gehou is. 'n Pragtige boog is opgesit vir die bruid om deur te stap, ons het verby gestap en net alles bewonder.

Dit is 'n pragtige plek om te trou! Daar is damme met waterlelies en stroompies waaroor 'n houtbruggie gebou is. Die park is 53 hektaar groot so jy kan baie gaste nooi!. Met die terugry het ons weer oor die bergpas gery met die baie skerp draaie, dit is ongelooflik skerp en die bome groei so dig dat die pad donker van die skaduwees is. Almal ry gelukkig baie stadig...

Daardie aand besluit ek om verder in my boek van Victor Frankl te lees en ek lees toe weer hierdie stukkie. Met sy aankoms in die konsentrasie kamp moes hul van al hul besittings ontslae raak, dit op 'n hoop gooi om uitgebrand te word, selfs hul klere. Hy het in sy jas die manuskrip gehad van sy navorsing oor die psige van die mens want hy was 'n psigiater. Dit was sy lewensideaal en hy wou die manuskrip bewaar ten alle koste. Wel hy was gedwing om dit op die hoop te gooi en dit is verbrand. Daarna moes hy die vodde van 'n dooie gevangene aantrek! Na 'n rukkie het hy in die binnesak van die jas 'n enkele bladsy ontdek wat geskeur is uit die Gebedeboek van die Jode. hy het sy manuskrip ingeruil vir 'n enkele bladsy uit 'n gebedeboek! Sjema Jisrael. Hierdie bladsy het later vir hom baie belangrik geword en een van sy kosbare besittings geword.

Ek vertel hierdie vir julle omdat ons wandel deur die lewe of deur die natuur dikwels van ons kosbaarste oomblikke kan wees. Hierdie park en tuine waarvan ek so vertel word deur vrywilligers instand gehou. Niemand word betaal om daar te werk nie! Wanneer jy bereid is om daar te werk gaan jy en doen jou werk op sekere tye, daar is selfs 'n kruietuin en groente tuin wat deur die mense self bewerk en instand gehou word.

Frankl het daaraan gedink, dit was die wil van God dat hy eerder sy kennis moet uitleef tussen die gevangenis as om dit op papier neer te skryf. Hy het 'n keuse gehad om moed op te gee of om na God se wil te kyk.

As jy vandag teneergedruk voel en nie kans sien om aan te gaan nie stap uit na buite, pluk 'n blom of blaar en kyk mooi daarna, kyk na die lyntjies en are op die blaar en weet die God wat jy aanbid is groter as jou probleme. Moenie moed verloor nie, staan op en doen jou werk, gaan werk vrywillig in God se tuin... (mense om jou)

Hy is die Skepper van die heelal, die grootste van alles, Hy leef en jy saam met Hom, jou lewe is Sy grootste geskenk aan jou! Leef met dankbaarheid en vrywillig!

Dinsdag 21 Februarie 2012

GAT IN MUUR

EMIGREER; dit is nie maklik nie, en verg baie moed, geld en deurstettingsvermoe...daar is baie wat gedoen, afgehandel en reggekry moet word, om nie eers te praat van die pak nie! Ek het twee keer dit nou al beleef...

In Esegiel 12 staan daar dat die Here met Esegiel gepraat het oor die Israeliete wat 'n weerbarstige volk is en dat hy, Esegiel sy goed moet vat en gaan... hy moet 'n gat in die muur breek en in die nag weggaan. Dit het my daaraan laat dink, ons kinders wat nou in die buiteland woon is ook half soos ballinge...hierdie het ons gedink is ons s'n, nou is ons vreemdelinge hier...

Albei die kinders van my, wat daar is(dogters) is hier twee keer beroof van hul beste besittings en my skoonseun moes die trauma van 'n gewapende roof deurmaak. Hulle het naelskraap elk 'n skaking ontkom. Dit was nie maklik om die besluit te neem om te gaan nie, hulle moes ook 'n gat in die muur, wat hul hier gehou het, breek en gaan. Die opdrag aan Esegiel was om net dit te vat wat hy wou vat, die res agterlaat en te gaan. Presies soos wat dit met almal wat emigreer gaan.

Ons kan dit ook geestelik sien...dat God ons wil wegvat van iets in ons lewens wat ons weerhou daarvan om volkome aan Hom te behoort. Omdat dit die tweede keer is dat God Esegiel vir my gee as boodskap het ek besluit om dieper daarna te kyk.

BESLUIT WIE JY WIL DIEN DIE HERE OF DIT WAT JOU TERUGHOU! MOENIE DEEL WEES VAN WEERBARSTIGHEID NIE, DIEN JOU GOD! Eseg. 12:2 Hulle het oe om te sien, maar hulle sien nie. Hulle het ore om te hoor , maar hulle hoor nie.

Sondag 19 Februarie 2012

NUWE JY!

MOENIE GOD ONDERSKAT NIE. Ek se dit altyd, daar is 'n groep of beweging wat glo alles is mooi en reg en alles is net liefies en dierbaar en dat Jesus alles sal 'smooth' maar ek voel ook altyd en die Bybel se dit vir ons; God wil he ons moet reg en opreg lewe, hoekom sou Hy dit herhaaldelik se as dit nie belangrik is nie?

ONS DADE KAN NIE RED NIE. Dit wat ons doen vir die kerk kan nie ons red nie, dit wat ons vir ander doen kan nie ons siel red nie. JA MAAR HY WAS 'N GOEIE OU, HET 'N OOP HAND GEHAD EN SO BAIE GEHELP. Mooi. dit is reg, help ander, sien om na die wees en die wedewee MAAR dit kan nie jou siel red nie! Jou dade en voorbeeld om goed te doen kan dalk jou kind red wat dink...my pa het so en so gemaak en dan kom hy op ou end by Jesus uit. MOET JOUSELF NIE FLOUS JY MOET BY JESUS UITKOM!

WORD STIL BY SY VOETE...wees 'n Maria, wees lief vir God en kom by Jesus uit! Vandag nog...besef vandag nog hoe LIEF JESUS JOU HET, HY HET VIR JOU GESTERF. Hoe doen ons dit...deur Bybellees en bid! So baie mense het al vir my gese: EK GLO NIE DAARAAN NIE! Ek kan vir jou se, die oomblik wat jy erken jy glo dit nie, is jy besig om op die regte pad te beweeg, dit wys dat jy daaroor dink. MAAR DIT IS NIE GENOEG NIE!

Die Heilige Gees werk in ons, maak ons bewus, help ons om die deur oop te maak vir Jesus...dink daaroor as jy nie in Jesus glo nie...verloor jy geweldig baie, jy verloor die beste vriend wat 'n mens kan he; jy verloor iemand wat bereid is om jou voete te was; jy verloor iemand, 'n vriend wat bereid was om vir jou te sterf; jy verloor die ewigheid, die wonder van die ewige bestaan saam met jou KONING JESUS JY VERLOOR JOU LEWE. My vriend kom buig nou jou hoof en se net hierdie woorde agter my aan: HERE, ALMAGTIG GOD, SKEPPER VAN HEMEL EN AARDE VERGEWE MY EK WAS VERKEERD, NEEM MY ASB AAN EN MAAK MY U KIND. HERE JESUS CHRISRUS EK WIL SAAM MET U LEEF TOT IN EWIGHEID, AMEN. Dankie Jesus!

Saterdag 11 Februarie 2012

MURE VAN OPAAL

As Jesus jou ken het jy toegang tot waar Hy vir jou plek berei het.

Elkeen van ons het 'n prentjie van hoe die Hemel en God lyk. Elkeen se prentjie is waarskynlik anders en sal dus vir sommige 'n groot verrasing wees wanneer ons dit met mekaar deel. My prentjie wat ek van God het kry ek uit die woord maar ek het al vreemde dinge gehoor wanneer ek mense daaroor uitvra...baie interessante onderwerp.

In Jes. staan daar dat God se kleed die hele vertrek of saal vul en in Open. word daar gese hoe die Hemel lyk. Open 21: 18 die muur is met opaal gebou en die stad self met suiwer goud wat soos 'n skoon spieel lyk.." dan verder word die pragtige stad beskryf met half edelgesteentes oral gebruik van die fondament tot die poorte van twaalf perels. Ons God woon in hierdie wonderlike stad.

Wanneer ons na God toe gaan, ontmoet ons hierdie Koning en ons sou iets vir Hom wou saamvat. In Miga 6 :6 staan daar : "Wat sal ek saamvat as ek na die Here toe gaan, as ek voor die hoe God gaan kniel?"
Moet ek met offers na Hom toe gaan, met jaaroud kalwers?
:8 "Mens, die Here het jou bekend gemaak wat goed is: Hy vra van jou dat jy reg sal laat geskied, dat jy liefde en trou sal bewys, dat jy bedagsaam sal lewe voor jou God.

Dit is die offer wat God van ons vra. Leef vir Hom en ken Hom in alles, getuig van Hom en probeer so lewe dat ander kan sien, jy is Sy kind. Is dit nie wonderlik dat God nie van ons perels of goud en wierrook vra nie maar net om vir Hom te lewe, net om te se: Ja, Here ek glo, dat U aan die kruis gesterf het vir my verlossing uit hierdie sondige bestaan op aarde.

Saterdag 21 Januarie 2012

GENOEG IS GENOEG

GENOEG: Vroeg staan sy op, maak reg en gaan saam met die ander vroue uit met haar kom(skottel) om te soek na dit wat daar sal wees vir hulle om te eet. Sy steek vas toe sy die wolk opmerk wat laag oor die kamp hang en digter word om die kamp. Sy tel haar rok op tot by haar enkels en stap vinniger na waar die ander vroue staan en gesels. Elkeen met 'n houer soos hul beveel is om te doen.

Dan lig die wolk en trek stadig weg van die kamp af. Sy snak na haar asem, van die ander vrouens roep mekaar en hulle lag van ongeloof! Hulle begin dadelik van die wit vlokkies optel volgens wat hul nodig het. Sy tel net 'n bietjie op want dit is maar net sy en haar man. Die vrou langs haar het vyf kindertjies en moet baie optel. Sy hou van die witvlokkies in haar hand en laat dit deur haar vingers val in die kom wat sy in die bak van haar arm vashou. Dit is ongelooflik!

Nadat almal genoeg opgetel het en hulle dit afmeet, was dit vir elkeen genoeg, soveel as wat hul nodig het vir die dag. Elke oggend staan hul vroeg op en maak van die vlokkies bymekaar, net genoeg vir elkeen se behoefte en net genoeg vir daardie dag. 'n Maat afgemeet...

Sommige van die vrouens het nie geglo en geluister en van die vlokkies laat oorstaan tot die volgende oggend nie ...dit het sleg geword en oneetbaar.

God het vir die ons manna gestuur...dit is wat Moses gese het, ons moet net genoeg optel en dit nie laat oorstaan nie...dink sy toe sy hoor wat het met die ander gebeur. Dit is tog duidelik dat God wil he ons moet Hom gehoorsaam.

Dan kom die son op en sy staan verstom en kyk hoe smelt die vlokkies weg tot niks...

God voorsien nou nog in ons daaglikse behoeftes, volgens die maat wat ons benodig.
Wees dankbaar vir dit wat God vir jou gee en probeer dit gebruik na die beste van jou vermoe. Wanneer God sien met watter gesindheid jy leef ontvang jy dalk dubbeld soveel. Onthou tog net dat ons oe gerig is op wat ons na hierdie lewe gaan ontvang, hierdie goed wat ons hier bymekaarmaak, smelt weg tot niks.

Dinsdag 17 Januarie 2012

'N GESKENK

"n Geskenk is darem 'n wonderlike ding! Ek kan gewoonlik nie wag om 'n geskenk oop te maak nie! Asof ek nogsteeds klein is ruk ek die papier af om te sien wat dit is. ek is altyd bly oor enige geskenk wat ek ontvang en kry baie swaar as ek op 'n dag daarvan moet afskeid neem, omdat dit my herinner aan die persoon wat dit vir my gegee het.

Soms gee mens 'n geskenk omdat jy vriende wil maak, of dankie wil se of sommer net se; ek hou van jou. Daar is geskenke wat met groot sorg uitgesoek en met groot oorleg gekies word omdat die persoon baie spesiaal vir jou is. Dink maar aan 'n verloofring, met hoeveel sorg dit gekoop, gebere en gegee word!

Ons het almal op 'n dag 'n geskenk ontvang; en weet jy die slim mense se dat as jy nie met dankbaarheid 'n geskenk kan ontvang nie, kan jy ook nie Jesus se geskenk ontvang nie. WAT IS JESUS SE GESKENK AAN ONS? HYSELF IS ONS GESKENK.

Het jy al ooit daaraan gedink dat indien Jesus Christus nie gekom het en vir ons kom sterf het nie, was ons nogsteeds vasgevang in die offerandes bring vir vergewing van sonde! JESUS WAS ONS GESKENK VAN GOD DIE VADER SODAT ONS SONDE VERGEWE KAN WORD INDIEN ONS DIT BELY. GAAN JY HIERDIE GESKENK OOPMAAK EN WAARDEER?

Daarom moet ons baie mooi oor hierdie vers gaan dink: " Laat ons dan onophoudelik deur Jesus aan God 'n offer van lof bring, die lof wat aan Hom gebring word deur die lippe wat sy Naam bely. Moenie nalaat om goed te doen en mededeelsaam te wees nie, want dit is die offers wat vir God aanneemlik is." Hebr 13:15-16

Sondag 15 Januarie 2012

ABSOLUUT

For everything, absolutely everything, above and below, visible and invisible... everything got started in him and finds its purpose in Him. Col 1:16

Hierdie vers tref my altyd en laat my 'n wyle van balans af, ons weet God het alles gemaak, ons weet alles het deur Hom ontstaan maar so met die gang van die lewe vergeet ons bietjie daarvan, ons vergeet dat niks vir Hom verborge is nie, ons vergeet dat Hy 'n mens kan skape uit so te se niks! Daar is "visible and invisible..." waarvan ons waarskynlik onbewus is, ons leef hier op aarde asof die aarde ons nodig het, en nie ons hom nie! As daar nie 'n God was nie en ook nie 'n aarde nie, was ons nie geskape nie en sou niks bestaan het nie...ons is hier omdat God hier is, ons doel op aarde is alleenlik om God te behaag.
WAT HET JESUS KOM DOEN? Jesus was die lig wat sou kom in die wereld, Hy sou die duisternis wegvat, die sonde doodmaak en ons vrywaar van die ewige dood. ons onthou mos die sonde van Adam en Eva en die paradys...soms maak ons grappies hieroor maar vir God was dit nie 'n grap nie! Hy moes sy seun offer om dit reg te stel. JESUS HET DUS die belofte van God aan Abraham, kom voltooi. God het gesien Abraham is opreg en het met hom 'n ooreenkoms gesluit dat hy, Abraham die voorvader van 'n groot menigte sou word Gen 12:3 In jou sal al die volke van die aarde geseen word. -DIT IS WAT JESUS KOM DOEN HET, HY IS UIT HIERDIE GESLAG VAN ABRAHAM GEBORE... HY IS DIE LIG WAT SOU KOM, HY HET ONS VRYGEMAAK VAN DIE SONDE; HY IS ONS EWIGE VERLOSSER EN ONS JUIG OOR HOM.

GOOI MY!

Wanneer jy moedeloos is, moeg vir die lewe, te moeg om jou arms op te tel, net wil wegkom van alles en almal dan is jy op dieselfde plek as waarvan ek 'n paar dae gelede gepraat het. Onthou as ek dit hier vir jou se wys ek nie 'n vinger nie, ek oordeel jou nie, want ek het al baie keer so gevoel. kom ons noem dit die spoelklip- gevoel.

Ek kan vir jou se tel jou kop op en gaan aan...eerste klip, of ag nee wat, dit is nie so erg nie, kom nou jy moet aangaan... tweede klip en die derde klip waarmee ek jou kan gooi is, die Here hou nie hiervan nie, staan op en gaan aan, of ruk jou reg. Daardie klip van ruk- jou- reg is so groot hy plof sommer al hier teen die kant van die dam in.

Al daardie klippe is al na my geslinger en weet jy ek dink hulle het my getref en nooit die water nie. Gelukkig het ons baie verwysings in die skrif na daardie gevoel. Job 3.1 Kon 19. Selfs Paulus het moed verloor en Jesus self het gebid dat die beker by Hom moes verbygaan. Daarom kan ek met vrymoedigheid vir jou se, jy is nie alleen nie. Wanneer iemand jou weer met een van die gladgevryfde spoelklippe gooi, maak jou oe toe en vra: Jesus moenie my alleen hier laat staan nie.

Vir my is al die spoelklip gegooi van: dit is omdat jy dit toelaat dat dit so met jou gaan. Weet jy ek het hom agterna gaan optel, goed bekyk en opgemerk hoe blinkgevryf hy is. Dit is maklik om iemand met 'n spoelklip te gooi wat jy jare al in jou binnesak dra.

Elia was verby depressief en wou dalk vir almal wegkruip daar in die woestyn, maar God het geweet waar hy is en 'n engel na hom gestuur met kos. Gaan lees maar self die stuk en dan staan jy 'n oomblik stil by 1 Kon 19 : 11-12.
Elia het gevlug want mense wou hom doodmaak maar God het nog 'n opdrag vir hom gehad. God gaan jou nie uitlos nie want jy is vir Hom belangrik, Hy het nog vir jou 'n opdrag.

Koes vir die klippe, mense gooi graag die wat half gebukkend loop van seer. Jesus het op die grond geskryf en vir die omstanders gese: "Die een wat sonder sonde is moet die eerste klip gooi." Daarom wat mense te se het is eintlik van geen waarde nie, hulle self sal dit moet verduidelik aan Hom wat op die grond geskrywe het.
·

Maandag 09 Januarie 2012

DIAMANTBELOFTE.

Hy sit op die grond en vee met sy plat hand oor die sand...fyn sand wat met die spruit afgespoel is en deur die water hier uitgespoeg is. Die water het laas jaar dit hier kom gooi, hierdie jaar bly die reen weg en hy maak sy oe skrefies teen die son. In die verte sien hy 'n man aankom... snaaks want hier kom nooit mense nie!

"Ek het 'n boodskap vir jou.." se die vreemde man. Lukas staan op, hy sukkel al so 'n bietjie want die jare begin tel
"Wat is jou boodskap?." Hy is ongeduldig en vee met sy voet die skrywe op die grond dood.
Die ander man trap so 'n bietjie rond en staan dan stil, voete bymekaar.
"Dit is 'n woord van die Here af."
"Hoe weet jy?"
"Hoe weet ek wat?"
"Hoe weet jy dit is die Here wat dit gese het, en nie jou eie kop wat dit uitgespoeg het nie?"
"Ek weet, want ek is 'n kind van die Here en Hy praat met my..."
"Die een wat dit vir my kan laat hoor, gee ek 'n diamant..."
"Voor die Here moet mens nie sommer 'n gelofte afle en dit nie doen nie..."
"Nou kom, laat ek hoor hoe praat Hy en ek gee jou waaragtig 'n diamant." Lukas kyk op in die lug, bly 'n ruk lank stil.
"As, jy vandag met die Here praat en dit reen vanaand en as Hy met my praat sodat ek weet dit is Hy, gee ek jou 'n diamant."
"Het jy een?."
"Een wat?"
"'n Diamant."
"Nee, maar ek sal een kry..." Lukas bly stil en wag. Die boodskapper gaan eenkant en bid. Na 'n lang ruk kom hy terug en se: "Die Here, se dit sal kom reen."
"Julle ou klomp idiote! Julle kyk al vir jare maar niks gebeur nie..."

Die boodskapper draai om en begin loop in dieselfde rigting waarvandaan hy gekom het, teen die son in. Na 'n paar tree gaan hy staan en draai om: "Wil jy nie weet wat het God vir jou laat weet nie?" Hy staan nog met sy hoed teen sy bors, net soos hy gebid het, daar onder die boom.
"Ag, ek weet nie, se dan... wat staan jy so soos iemand wat 'n donkie soek om te ry en nie weet of hy wil of nie?"
"Gaan jy die diamant gee?"
"Ek sal, as ek weet dit het waar geword."
"Die Here het vir my gese jy moet saam met my die Woord verkondig onder die mense en dat jy nou saam met my moet gaan om te gaan leer."
"Nee, ek glo nie eers daar is 'n Here nie. Hoekom ek?"
"Ek weet nie, al wat ek gehoor het is jou naam en dat jy saam met my moet kom."
"Hoe weet jy dit is ek, ek ken jou nie eers nie!"
"Ek weet want die Heilige Gees het my hiernatoe gebring."
"Loop! se ek jou! Loop hier weg!"
"Onthou jy het voor die Here vir my 'n diamant belowe."
" As ek Hom hoor praat en as dit alles waar is en as dit vanaand reen..."

Daardie aand reen dit dat Lukas emmers onder al die gate in sy kamer se dak moet uitsit, later is die emmers vol. Hy gaan haal die badskottel en maak die emmers leeg... Dit word 'n nag van emmers uitgooi, badskottel uitbooi en weer en weer.

Dit reen tot dagbreek...hy moes aan die slaap geraak het en skrik wakker toe die kapokhaantjie begin kraai... dit drup nog in die emmers, vol tot by die rim.
Hy staan op en probeer om die parafien primus aan te steek, hy sukkel en sukkel, die ding wil nie brand nie. Natgereen!

Daarna reen dit vir dae aaneen, sag en deurdringend, soos die draadloos se. Lukas sit rond, hy het niks om te doen as dit reen nie, want sy werk is buite in die veld. Gister toe die wolke lyk of hul wil lig het hy uitgegaan en die skaap nader gebring, hier onder die bome in. Die lammers van 'n mofskaap is maar pieperig.

Hy probeer vuur maak in die stoof maar die hout is nat en dit smeul, sy oe brand van die rook wat terugborrel. Deur die rook sien hy iemand in die oop deur van sy huisie staan.

"Wie soek jy?"

Omdat Lukas so lank alleen woon en met min mense te doen kry praat hy net, hy dink nie oor sy woorde nie, dit val uit sy kop uit en oor sy lippe voor hy kan keer.

Die man praat nie. Hy loop in en kom sit op die stoel. Lukas se stemtoon verhoog toe hy praat: "Wat soek jy, se ek mos?"
"Ek soek vir jou, Lukas...ek het my boodskapper gestuur maar jy het nie saam met hom gekom nie."
"Wie is jy? Ek sal gaan waar ek wil en wanneer ek wil...niemand se my waar ek moet gaan nie!"
"Ken jy vir Jan Bandjies?"
"Nee..."
"Gaan soek vir Jan Bandjies en se vir hom hy moet saam met jou hiernatoe kom."
"Dit reen, ek loop nie in die reen en loop soek 'n man wat ek nie ken nie."
"Jy ken hom, hy was voor die reen, hier ..."
"As hy hier was, kan hy weer hier kom, ek loop nerens nie."

Lukas los die hout en die stoof, toe hy omkyk na die besoeker is hy weg. Lukas word yskoud toe hy sien die deur is toe en die man is weg.
"Ag laat hy loop ek bly net hier."
Dit reen 'n hele week aanmekaar, hy moet later sandsakke pak voor sy deur, die water stroom onder deur.
"Lukas..."
Lukas kyk op, wie praat met hom?
"Lukas..."

Die stem word harder en dringender, hy loop na die venstertjie langs die stoof... dit reen. Daar is niemand buite nie, hy stap na die deur en roep: "Praat maar, die deur is toegepak met sandsakke!"
"Lukas, dis Ek wat met jou praat, gaan soek na Jan Bandjies... ek het hom nodig."
Ergerlik antwoord Lukas: "Ek ken jou nie, en ek ken Jan Bandjies nie, ek loop nie."

Die stem vul die hele kamer asof die man binne is: "Ek ken jou...jy ken my nie want jy wil My nie ken nie."

Daarna is dit stil...Lukas draai om na sy bed asof iemand hom se om na die bed te kyk, op sy kussing le 'n brief...
In die brief staan net hierdie woorde...

Onthou jou belofte.

Onderaan die brief is geen naam nie, geen datum, net stilte... in die een hoek staan daar geskryf. Rigters 11:30-40.