KAKTUSBLOMME EN BLOED

Goeie more Vriende! Hier by ons is dit n wonderlike hemelse blou en sonskyndag! Die wind waai so n bietjie maar ons kla niks daaroor nie...dit is lekker koel.
Ek het gisteraand tydens my stiltetyd op iets afgekom in die Woord wat ek graag met julle wil deel. Maar eers wil ek julle hierdie onthou-storie vertel.
Weer my kinders!

Kyk as n kindjie wil leer fietsry trek my bors skoon toe! My seun, waarvan ek gister ook gepraat het, wou met alle geweld leer fietsry want dit is mos wat seuns doen!
Omdat ons nie geld gehad het om n fietsie met klein ekstra wiele te koop nie moes hy op die harde manier leer. (soos ons nog geleer het)

Ons het op die stadium by Oupa en Ouma gekuier op hul Karooplaas. Lekker groot en wyd, sommer baie plek vir n man wat wil leer fietsry.
Kleulingkinders is ingespan om hom te help want die fiets was effens te groot.
Hulle het gestoot, gehouvas en saamgehardloop, die hele dag!
Teen die middag hoor ons n erge geskree en storm uit!
Soos dit op plase gaan is daar n kaktusbos en my kind het binne in die bos beland met fiets en al! Hy was vol dorings!
My ma, n regte boere tannie, se toe dat die maats elke doring gaan sit en uittrek want hulle moes hom oppas! So het dit baie minute geneem om die dorings uit te kry.
Weet julle sulke kaktusse het darem die mooiste blomme ek dink dit is die droee werelddele se origidee.. en dit kom net uit voor dit wil reen, die beste voorspelling vir reen!

JESUS HET AAN DIE KRUIS GESTERF VIR JOU EN MY, HY WAS VASGESPYKER AAN DIE RUWWE HOUT, DAAR WAS N DORINKROON OP SY HOOF, DRUPPELS BLOED HET OOR HOM AFGESYPEL.
HY HET GESTERF MAAR ONS HET DIE MOOISTE MOOISTE BLOM GEKRY OMDAT HY VIR ONS GEOFFER IS... DIE HEILIGE GEES.

DIE HEILIGE GEES IS BEELDSKOON , N WARE "GENTLEMAN" EN WOON BINNE ONS. HY WERK OP N SUBTIELE MANIER SONDER OM OPDRINGERIG TE WEES OORTUIG HY ONS VAN SONDE, HY LEI ONS, HELP ONS, DRA ONS EN HOU ONS VEILIG VIR JESUS ONS HEER.

N GLINSTERING

Kan enigeen dit glo, dit is heerlik koel hier vanoggend! Ek se dankie Vader vir die heerlike koel luggie en dat dit lekker gereen het!

Wanneer ek uitkyk by die venster hier voor my, af in die straat...ek se af want hier loop alles skuinsaf na die dam toe sien ek hierdie wonder mooie gesig : Die dam se water glinster soos diamante wat gestrooi is, baie mooi! Aan die anderkant van die dam, die koppe wat oeroud troon bo alles...dit omring die dam en dorp en koester ons, sodat dit voel asof ons apart woon,,,hier is ook net een pad uit en in die dorp in, so dit voel regtig soos ons eie dorpie. Trots en rustig is dit ons eie.

Die lug is oorweldigend blou en skoon, so as mens na aan die natuur wil lewe kan jy dit hier doen onder God se blou hemelkoepel en die Karoo wat anderkant die oeroue koppe begin en strek tot ver verby omdraai verby...

Onthou mens leer God net werklik ken in die natuur... hier op my sypaadjie het die fynste veldblommetjies opgekom...ek weet ek moet skonnmaak maar hulle is vir my so spesiaal dat ek huiwer om dit te doen. So n stukkie plaas.

Ek mis die stap in die groot bloekombos op die plaas in Mpumalanga waar ek eers gebly het. Die ou stompe wat verhale in my wakker gemaak het, ek mis die veldlelies wat uitkruip na die baie reen...ek mis die stompe se verbrokkeling wat my herinner het aan die mens se oudword en verwering as die jare aanstap.

Ek het met oorgawe stompe tuin toe gesleep, die hout wat opbrokkel in my potplante gebruik en ag ek mis die sampioene wat plate gegroei het teen omgevalle boomstompe, sonder kennisgewing dat hul giftig is, die natuur se geheim...
Ek was altyd seker ek sien piep klein mensies baai in die son.... 

Die verbrokkeling van die hout is ook simbolies aan die verbrokkeling van n samelewing. Eers groei die samelewing en die ekonomie bloei uit sy nate uit, dan sterf die boom, die samelewing begin verrot, verbrokkel en verweer, dieselfde gebeur met ons... ons blom en bloei en groei en op n dag gebeur daar iets, kewers begin aan jou bas vreet...op die ou end staan jy kaal gestroop van jou waardigheid teen die naghemel.

Net God kan jou hiervan red, wees moedig, wees sterk en kniel voor die alwyse God,

voor die verroting onbeheers versprei.

BLOED EN KLIPPE

DIE HEMEL IS MY TROON
EN DIE AARDE DIE RUSPLEK
VIR MY VOETE, SE DIE HERE
WATTER SOORT HUIS SAL JULLE TOG VIR MY BOU
OF WATTER PLEK AS MY RUSPLEK?
HET EK NIE SELF AL HIERDIE DINGE GEMAAK NIE?

Maar Stefanus, vol van die Heilige Gees, het opgekyk na die hemel en die heerlikheid van God gesien en Jesus wat aan die regterhand van God staan.
Ons God is so groot dat ons dit moeilik vind om te verstaan. God weet dat dit vir ons onmoontlik is om sekere dinge uit te voer. Hy ken ons beperkinge.
Hy se in bogenoemde vers "watter soort huis sal julle tog vir My bou?"
Ons kan God nie in n gebou toebou of n gebied afbaken en hom daar laat woon nie, Hy is oral, Hy se self hy het alles geskape.
Wees vry om God oral en ter enige tyd te aanbid. Jy dra Hom saam binne in jou!
Jesus het opgestaan en sit aan die regterhand van God die Vader.
Jesus gee so baie om vir ons hier op aarde, Hy sien wanneer ons in moeilikheid verkeer.

TOE HET HULLE HARD GESKREEU EN HULLE ORE TOEGEDRUK. SOOS EEN MAN HET HULLE OP HOM AFGESTROM, HOM UIT DIE STAD GESLEEP EN GESTENIG.
Jesus het dit gesien, Sy volgeling Stefanus was nie alleen nie want toe Stefanus opkyk Hemel toe STAAN Jesus langs die Vader. Hy het opgestaan en nie bly sit nie...Hy het opgestaan omdat Hy gesien het Stefanus word gestenig.

TOE HET HY OP SY KNIEE NEERGESAK EN HARD UITGEROEP: "HERE MOET HULLE TOG NIE HIERDIE SONDE TOEREKEN NIE!"

julle moet n vreudevolle dag he en onthou Jesus kyk na julle, hy sien waardeur jy gaan. Onthou as jy in n lewensgevaarlike situasie beland...dink aan Stefanus.
ROEP HARD GOD SE NAAM!

Like · · Unfollow Post · Share · 10 minutes ago

BOTTERBLOMVREUGDE

TOE AL DIE LEDE VAN DIE RAAD STIP NA STEFANUS, KYK SIEN HULLE DAT SY GESIG SOOS DIE VAN N ENGEL LYK. Hand. 6

Ek was gister op Luckhoff verby alles gestap wat ek so goed as kind en ook grootmens geken het. Ek was so baie jare weg, maar my voete vind gou weer die padjies. Ek het bo-op die bultjie gaan staan en na die kerk afgekyk waar ek gedoop is, getroud is en my twee oudste kinders is ook daar gedoop. Nostalgie het gedreig om my te oorweldig, ek het vir God gese:" Here ek is weer hier." So asof ek hier hoort het dit sommer vanself oor my lippe gekom. Ek het verder gestap verby die huisie waar ek tuisgegaan het vir my eerste twee skool jare. Dit lyk maar nog net so, so n paar keer seker bietjie geverf en opgeknap.
Heerlik by n vriendin gaan kuier wat ek hier op Vanderkloof geleer ken het. Sy het die huisie gekoop waar PIETER FOURIE die dramaturg en skrywer groot geword het. Ons het gekuier asof ons mekaar jare laas gesien het. Later het ons twee sommer so deur die dorp gestap na die winkeltjies toe...en daar langs die paadjie deur die veld sien ek nog n regte BOTTERBLOM. Hy staan daar tussen droe gras en bosse en steek sy helder sonskyn geel gesiggie op na bo. Hy se dankie vir die Here dat hy n kans gegun is om te blom en sy saadjies in die dorre aarde te laat val.
HET JY AL DAARAAN GEDINK, HOEKOM HET GOD DIE KLEINSTE BLOMMETJIE SO VOLMAAK GESKAPE, SO N HELDER KLEUR GEGEE, JA NATUURLIK IS DIT OM DIE BYE TE LOK MAAR EK DINK OOK OM HOM TE VERHEERLIK!

LAAT JOU GESIG SKYN VAN JESUS LIEFDE SODAT ANDER VERSTOM SAL STAAN EN VAN JOU SAL SE: " Het jy gesien hoe straal haar of sy gesig.!"

Dankie Here dat ek weer hier op my plek kan wees, Hier waar ek my eerste tree gegee het en hier waar ek U die eerste keer leer ken het. Amen

Lofgedig

Ons loof U Heer
met hart en siel
en harte
ons eer u naam met liggaam siel
en gees
U is wonderbaar o,
hoogste God
Ons verkies U bo almal
want U het ons uitgekies
om U
te dien
te loof
te prys.
Dankie vir die mooi, die goeie en die
geloof in ons harte.
U bly in die Hoogste hemele
en wandel op die aarde
in die duisternis
van die nag.
waarom sal ons vrees
waarom sal ons twyfel
waarom sou ons omdraai na dit wat donker is
U is ons wonderbare lig.- nauda

VANDERKLOOF

Teen dagbreek draai ons af met die pad wat oor die Vanderkloofdam loop. Dit is die eerste keer dat ons hierdie pad ry en asof versigtig ry ons tussen die plase deur op die onbekende pad wat dan skielik tussen die berge in loop, Dit voel nog meer geheimsinnig asof die berge iets kosbaars wegsteek.  'N bobbejaangesin skarrel uit die pad en ons begin in stilte na die natuur kyk. Die eerste strale van die son val skuins teen die koppe uit en vorm skaduwees wat bly hang totdat die son daaroor kruip. Ek kyk op na die berg en sien die rotse wat ontbloot staan met die bou van die pad, dit maak mens bewus van die invloed wat die mens op die natuur het. Ruwe rotse ontbloot teen die nag se laaste koelte bring ons  by die damwal aan en hoorbaar word asems ingetrek. Dit is asof ons eerbied het vir die opkomende son teen die blinkswart watermassa. Die damwal staan fors en sterk, die rivier is gestuit. Ons hou stil op die brug en stap half versigtig tot teen die kant van die brug oor die wal. Majestieuse betonstrukture hou die rivier op die plek waar die ingenieurs dit wou he. Stewig vasgeanker tussen twee koppe. Die sluise is toe en alles rustig, die water se sagter golwe klots teen die kante van die wal. Aan die teenoorgestelde kant staan die brug trots oor ie rivier wat nodig was voor die bou van die wal.

Ons besluit om verder te ry en die dorp te gaan besigtig. Eers krokel die pad deur die wildresevaat en net toe die son sy strale oor die berg laat gaan gewaar ons die koedoe wat skaam wegkruip tussen die wag-n- bietjie en soetdorings. Groot rotse omsoom die pad wat met 'n steilte uitklim teen die rant van die berg.   Bo -op die berg se kant waar die pad weer reguit word ontmoet die son ons en lei ons die dorp binne. Wat 'n pragtige gesig- ons eerste ontmoeting met Vanderkloof is werklik soos 'n verrasing in die Karoo! Met 'n laaste halwe draai land ons binne in die dorp. Ons kan ons oe nie van die natuurskoon afhou wat in die koelte van die oggend wagtend le nie. Die polisiestasie is sommer byderhand en daar kry ons toe inligting oor die dorp en al die bedrywighede. Ons besluit terwyl die dorp nog in sy effense ligte oggendslapie verkeer gaan ons gou deurry en kyk hoe dit lyk. Die woonbuurte is pragtig met tuintjies en skoon strate teen die agtergrond van 'n spieelgladde watermassa. ons ry oral mense tee wat stap of draf vir oefening en dan ook die vroee werkers wat vrolik loop en klets. Dit val jou dadelik op die gemoedelikheid van die mense en die Afrikaans val vreemd sag op jou oor.

Ons het oor die brug, in die dorp gery, na die res van die dorp wat op die punt van die inham le. Hier ry ons onder die bome deur en ontdek hoeveel huise daar weggesteek is onder hoe bome. Die borde van Renosterberg Munisipaliteit en die Oord met pragtige bome wat skadu bied staan trots voor ons.Met die omdraai let ons die massiewe kruis op teen die berg wat in die aand glo verlig word en as baken dien vir vliegtuie. Oor die dam le daar nou 'n ligte miskombersie asof die nag nog bietjie huiwer. In die klein baaitjie met jetti le 'n boot en wag op sy eienaar. Oral naby die water is bote besig om nader te beweeg om die spieelgladde dam aan te durf. Ons besluit dat om nou hier weg te gaan is net nie die beste idee nie en gaan soek 'n gastehuis. Daar is 'n hele paar om van te kies en ons is hoogs in ons skik toe ons, ons skoene kon uitskop en 'n heerlike ontbyt kon bestel in die Lodge wat 'n wonderlike uitsig het oor die dam en die dorp. Met die belofte van 'n bootreis deur 'n vriendelike booteienaar het ons daardie aand vroeg gaan slaap...ook nie voordat ons na die kruis gaan kyk het wat troon oor die  dorp nie. 'n Rustige nagrus is al wat ons nou nodig het. 'n Trop taretale se geroep laat ons besef die natuur is om ons.

GODSBELOFTE

Selfs in die ou Testament het die Here belowe dat Hy die mens iets gaan gee, dat Hy iets gaan doen wat ons sal help, wat ons vry sal maak van die wet. Ek het weer vanoggend n ontdekking gehad in die Ou Testament en dit is hoekom ek graag in die Ou Testament lees omdat daar soveel skatte begrawe le om te ontdek.

In Eseg 36 :27 staan daar...EK SAL MY GEES IN JULLE GEE EN EK SAL MAAK DAT JULLE VOLGENS MY VOORSKRIFTE LEEF EN MY BEPALINGS GEHOORSAAM EN NAKOM.

Eers het ek dit maar net gelees en gedink God sal sorg dat ons Sy bepalings nakom, maar vanoggend het ek ontdek dat wanneer God die Heilige Gees in ons harte uitstort kan ons nie anders optree as om Sy bepalings na te kom nie! Wanneer ons die Heilige Gees ontvang het wil ons nie meer sondig nie, wil ons nie meer soos die wereld lewe nie. Dit is hoe God dit reggekry het, Hy het Jesus Christus geoffer en die Heilige Gees in ons laat kom woon, om ons te help. Sonder die Heilige Gees se inwoning is dit vir ons onmoontlik om op die regte pad te bly. En... onthou dit is 'n HEILIGE GEES, Hy is nie aan die wereld gelykvormig nie!

LEES OOK JER 32:40; ROM 5:20; ROM 8:1-4;
EN OOR GOD SE BELOFTES: NUM 14:35
GLO DIT MET JOU HELE HART

FINALE PLAN VAN DIE PLANNEMAKER

Verlede Vrydag stap hy hier in. Wat nogal vir my altyd 'n verrasing is hoedat mens hier in die Sonskynland sommer ander se grondgebied mag betree en kom maak wat jy wil. Gaan se dit nou vir die geeerde Kommisaris van Ede en hy sal gou antwoord met nee: " dit is ontoelaatbaar Mevrou!" Wel in die elke daagse verloop van die lewe werk dit so! Solank as wat ek bietjie donker gebrand is deur die son en boonop nog alkohol ook gebruik het mag ek instap waar ek wil, se wat ek wil en doen ook net soos ek daartoe voel.

Die Planneman stap toe hier in en kom hou hom die baas van die plaas! Hy se vir my dat hy net die kante van die gras gaan sny met die "weed-eater" en dan moet ek hom gaan aflaai by die taxi-rank. My mond val oop soos ek nog wil verduidelik maar hy werk eers weer Maandag by my...daaraan steur hy hom min. Stap in die garage in om die masjien te kry.

Ek wat nog by die kombuisdeur gestaan het hoor die geskarrel daarbinne die garage en stap daarheen... hy is besig om in my vrieskas te grou! Ek beveel hom om daar uit te kom! Sluit die deur en bel die polisie. Soos ons polisie maar is kom hulle nogal gou, verduidelik aan my dat as ek hom in diens geneem het kan hulle niks daaraan doen nie! Ek, op my beurt verduidelik dat ek hom nie in diens geneem het vir hierdie dag nie, hy het net ingestap. Na 'n rukkie het hulle hom hier weg...baie teesinnig en onwillig...hulle doen dit met deernis. Praat toe met hom Sotho en dink ek kan dit nie verstaan nie.

Dit was Vrydag. Saterdagaand val ek weer vir die hoeveelste keer en daar word geskarrel om die bloeding te stop en steke te laat in sit. Ek kom'n dag of wat nie in die garage nie. Dit is bloedig warm en met my seer been bly ek meestal in die huis. Maandag laat spuit ek die Perskeboom teen vrugtevlieg en ons kry die klank...kan dit rotte wees wat gevrek het...ek het mos gif uitgesit. Ek het sommer geweet geen rot kan so vrot nie!

Gisteraand het ek net besef dit moet vleis wees wat Planneman uit my vrieskas gesteel het en weggesteek het om later te vat. Vanoggend 6h30 gaan soek ek dit, ek kry dit. Sit dit in 'n digte sak, stap die polisiekantoor binne. vertel my storie
met die wete daar sal niks van kom nie. Tog wil ek dit vir hulle se.

Twee konstabels hang aan die toonbank, le so half bo oor dit, seker omdat die meubels al redelik oud is moet dit houvas word. Agter die toonbank staan 'n vrou wat my help...sy staan regop want sy is so groot gemaak. Ek stap na 'n paar minute daar uit met die pakkie vrot vleis ( vier pakke skaaptjops) sit dit terug in my motor se bagasiebak en ry na die taxi staanplek, daar skryf ek op 'n kaartjie in hoofletters sy naam en onderstreep dit 'n paar keer.

Vanderkloof het baie klippe...was nie moeilik om een te kry nie. Ek het dit bo-op die pakkie neergesit, 'n rooi plastieksak. Iemand gaan dit kry en soos hulle gewoonte is om alles oor te vertel sal Andries die boodskap kry.

Die slot van die Planneman.

BONSAI- GROOTTE

‎"n Bonsai laat my altyd dink hieraan en nou wil ek dit met julle deel. Wanneer jy gemanipuleer word deur iemand anders, moet jy uitkom na die son, jou kop oplig en die glans van die LIG ontdek. sprei jou arms wyd oop en vra dat Jesus Christus jou sal oplig uit jou siruasie sodat jy jou ware wasdom aan die wereld kan wys.
Solank jy in die siruasie bly kan jy nie werklik tot jou volle potensiaal groei nie, jy kan God nie dien soos Hy wil he jy moet Hom dien nie, want sien net soos die Bonsai word jou wortels geknip, jou takke ingeperk en soos jy ouer word groei jy skeef en krom. Nie net van buite maar die meeste van binne.
Die Bonsai op die foto blom baie mooi en ek is mal daaroor maar dit laat my altyd hieraan dink,
Hoe groot sou hy geword het en hoeveel mense sou in sy koelte kon skuil.
Lekker dag.

Timeline Photos

By: Reäļļ PhotoGräphY